И денеска дојави за бомби во основни и средни училишта

Дојави за бомби во неколку училишта во Скопје. Учениците се евакуирани, во тек се антитерористички проверки.

Трет ден во оваа седмица наставата е прекината поради пристигнати закани на електронските адреси на училиштата за поставени експлозивни направи.

Дојави за бомби на неколку локации имаше и во текот на вчерашниот ден за кои МВР, по извршените проверки, соопшти дека се лажни. Пријави за лажни бомби во вторникот имаше во 38 основни и девет средни училишта.