Црниот биланс расте, речиси 20 илјади загинати од земјотресите во Турција и Сирија

Бројот на загинати во разорните земјотреси што во понеделникот ја погодија јужна Турција се искачи на 16.546, изјави попладнево турскиот претседател Реџеп Тајип Ердоган.

Се зголемува и бројот на жртвите во Сирија. Во делот од земјата што е под контрола на владините сили загинале 1.347 лица, додека на северозападот на земјата, кој е под контрола на опозицијата, животот го загубиле 1.930 лица.

Високиот функционер на ОН, Мартин Грифит ќе ги посети Газиантеп во Турција и Алепо и Дамаск во Сирија овој викенд за да ги процени потребите на луѓето таму и да види како Обединетите нации можат најдобро да помогнат

Генералниот секретар на Обединетите нации, Антонио Гутереш посочи дека е неопходно да се испрати поголема помош на северозападот на Сирија, кој е под контрола на опозицијата.