Молдавската премиерка објави оставка на Владата

Падна владата на Молдавија, премиерката Наталија Гаврилита поднесе оставка. Таа ја презеде функцијата во август 2021 година, со мандат да ја расчисти корупцијата и беше на власт 18 месеци, во време на економски превирања, недостиг од електрична енергија, протести и ефекти од руската војна на соседна Украина.

Поранешната советска република, земја со 2,5 милиони жители, страдаше од зголемената инфлација и приливот на украински бегалци.