Утрешниот ден прогласен за Ден на жалост

Владата го прогласи утрешниот ден (13 февруари) за Ден на жалост во вечен спомен на загинатите во катастрофалните земјотреси што го погодија пограничниот регион на Турција и Сирија, соопшти премиерот Димитар Ковачевски.

„Во име на сите граѓани на Република Северна Македонија изразувам сочувство до сите кои ги загубија своите блиски. Како држава и како народ ќе продолжиме да помагаме, ќе бидеме солидарни и ќе бидеме поддршка за настраданите граѓани, за оние кои изгубија сè“, напиша Ковачевски на Фејсбук.

Над 33.000 луѓе загинаа во катастрофалниот земјотрес што во понеделникот ја погоди југоисточна Турција и северозападна Сирија.