44 санкции за автобуси што вршат превоз на ученици, двајца возачи без лиценца

Во текот на вчерашниот ден во периодот од 06.00 до 10.00 часот на територијата на Република Северна Македонија спроведена е акциска контрола на возила што вршат јавен превоз на ученици. При контролата констатирани две кривични дела по член 284-а од Кривичниот законик за возење без соодветна лиценца. Констатирани се 44 сообраќајни прекршоци, а на вонреден технички преглед било упатено 21 возило.

Сообраќајните контроли за зголемување на безбедноста на учениците од дома до училиште и од училиште кон дома продолжуваат и во наредните денови.

Од МВР апелираат до сите да се почитуваат сообраќајните правила и прописи и на тој начин сите заеднички да придонесат да се зголеми безбедноста на децата и на сите учесници во сообраќајот.