Филе: Три приоритети за Србија на патот кон ЕУ

Еврокомесарот за проширување Штефан Филе денеска во Белград изјавил дека Брисел го поддржува европскиот пат на Србија и нагласил дека на овој пат важни се три главни приоритети - економското опоравување на земјата и реформите, владеењето на правото и нормализацијата на односите до Приштина, пренесува Танјуг.

„Пред неколку дена ја одбележавме десетгодишнината од најголемото проширување на ЕУ. Европските интеграции на Србија во 2004 -та изгледаа како далечна иднина, а денес се очигледна извесност. Уверен сум дека Србија има  способност оваа можност да ја претвори во реалност“, нагласил Филе.

Српскиот претседател Томислав Николиќ истакнал дека Филе е човек кој за време на својот мандат ја променил сликата за Србија и дека цело време јасно ја изразувал својата посветеност и поддршка во тоа Србија да стане членка на ЕУ.

„Не очекувам ЕУ да го сопре она што Србија го постигна во европските интеграции. Персоналните решенија се на ЕУ, а исполнувањето на обврските се наша одговорност“, порачал Николиќ.

Филе е вториот висок европски преставник кој доаѓа во посета на Белград по формирањето на новата српска влада, откако минатата недела ова го стори и Шефицата на европската дипломатија Кетрин Ештон.