Во ФЗОМ обиди за враќање на ситемот во функциja
За здравствените работници се уште нема плата. Фондот ги прибира податоците од јавните здравствени установи и рачно ги обработува. Синдикатот на клинички в понеделник ќе решава дали ќе стапи во штрајк..
При кибер-нападот немало излевање на податоци надвор од базите на Фондот за здравствено осигурување. Оттаму ги демантираат наводите дека податоците на граѓаните се украдени и уверуваат дека нивните здравствени и лични податоци се целосно безбедни. Се финализираат сите активности за прочистување и проверка на целокупниот систем, за да се обезбедат услови за повторно вклучување во нормален режим на работа, велат од ФЗОМ.
Со помош на тим од локални и странски експерти се работи на рестартирање на системот, за негово враќање во првобитната форма. На домашните и странските тимови им е потребно повеќе време за надминување на штетите кои ги предизвика нападот, велат од Фондот за здравство. Ги демантираат и наводите дека соработниците на Фондот не работеле согласно со процедурите со кои се обезбедуваат податоците. Сепак, неизвесно е кога, јануарска плата ќе легне на сметките на здравствените работници.
Први на протест излегоа од Независниот синдикат. Синдикатот на клинички в понеделник ќе решава за штрајк.