Високи емисии на загадување на амбиенталниот воздух

Државниот инспекторат за животна средина, се фокусира на мониторинг и превенција во жешките точки кои се најголеми загадувачи на почвата, воздухот и подземните води во земјава, Југохром-Јегуновце, Охис, Топилница- Велес, областа околу Табановце, Лојане со високата концентрација на арсен.

Според директорот на инспекторатот Сретен Стојковски, откриен е погон на приватна фирма во штипско која произведувала токсичен отпад, а биле запленети боци со фреон кои се забранети за продажба.

Инспекторат, утврдил високи емисии на загадување на амбиенталниот воздух, во околината на фабриката Усје и покрај тоа што од фирмата ги известиле дека нема да работат во периодот од 13-ти до 20-ти февруари годинава.

Државните инспектори за една година извршиле 2.100 инспекциски надзори над сите приватни и државни компании кои се потенцијални загадувачи, а во над 17 насто од случаите се откриени неправилности. Наредиле и анализа на маслата во трансформаторите кои се во приватна сопственост.

Игор Панов