Нова рудна разговори за името денеска во Њујорк

Во Њујорк денеска ќе се одржи нова рунда разговори свикани од посредникот во спорот за името, амбасадорот Метју Нимиц и претставниците на Македонија и Грција, Зоран Јолевски и Адамантиос Василакис.

Средбата се очекува да почне околу 15 часот по македонско време, во седиштето на Обединетите нации, по што ќе следи и изјава за медиумите. Согласно воспоставениот формат на средбите, Нимиц вчера имаше одделни средби со учесниците во разговорите.

По последната рунда разговори што се одржа на 26-ти март, Нимиц изјави дека не бил постигнат напредок, но била постигната согласност за поинтензивни разговори.

Се очекува по грчките избори, Нимиц да ги посети и Македонија и Грција.