Тресењето на земјината почва продолжува

Тлото не мирува. Нови силни земјотреси во светот, во Тихиот океан во близина на курилските острови со јачина од 6 степени, потресот бил на 102 километри југозападно од селото Головнино на Курилскиот остров Кунашир, на длабочина од 63 километри.

Тресењето на земјата било почувствувано во регионалниот центар јужно-курилск, земјотрес од 6,5 степени по Рихтер ја погоди Нова Гвинеја, со јачина од 6,1 степени тресеше и кај јапонскиот остров Хокаидо, не е познато дали има жртви или материјална штета.

 

Турските власти во Дијарбакир почнаа да ги уриваат зградите во кои се забележани значителни оштетувања. Жителите критикуваат дека Владата од безбедносни причини не им дозволува да ги земат своите скапоцени предмети и апарати за домаќинство пред да се урнат зградите.

„Гардероба е за 15.000 лири. колку имаме сега за да ја купиме повторно? Ако некој сака да си ја извади облеката, нека оди не нè пуштаат да ги земеме главните предмети за домаќинството“, изјави локална жителка.

„Државата не треба да не жртвува“, додаде друг локален жител.

„Сите вредни работи на луѓето останаа во нивните куќи, секој има вредно нешто оставено зад себе. Владата не ни дозволи да извадиме ниту една игла“, рече локален жител.

„Нека се намалат последователните потреси, луѓето во оваа фаза не треба да влегуваат во нивните куќи оштетени од земјотресот. Знаете и што се случи во Хатај луѓето се вратија во своите куќи да ги извадат своите работи, а токму тогаш имаше земјотрес и луѓето повторно останаа под урнатините. Луѓето треба да ги слушаат советите на стручните тимови и да не влегуваат во нивните домови“, изјави Махсун Чија Коркмаз-претседател на комората на градежни инженери во Дијарбакир.

Турскиот претседател Ердоган, вети дека во рок од една година ќе изгради околу 200.000 постојани куќи во 11-те провинции погодени од земјотресот.

Децата кои го преживеаја земјотресот во Сирија добиваат третман во градската болница во Идлиб.

„Зошто не им ја даваат потребната грижа? Тие се повредени, дали овие луѓе се одговорни за Асад и границата и Меѓународната заедница? Дали може да разбере? Ги загуби сите од своето семејство. Тој не знае ништо за ова, сакам овој пациент да преживее“, изјави д-р Сами Кадур-шеф на болницата Шам, Сармада.

Доцнењето на медицинска помош од Обединетите нации во оваа област резултираше со повеќе смртни случаи и повредени и предвреме родени бебиња.

Многу луѓе се исплашени и повеќе би сакале да спијат надвор во случај на нов земјотрес.

 

 

 

Марина Ристова