Новите министри стапија на функција

Собранието ги избра новите министри- Кренeр Лога, во правда, Фатмир Меџити за здравство, Азир Алиу за информатичко општество и администрација и Каја Шукова којашто ќе го води ресорот за животна средина. Расправата траеше десет дена.

Пратениците од ВМРО-ДПМНЕ со став-со реконструкцијата нема да се постигне ништо, ниту граѓаните ќе имаат некаков бенефит. Со долги и бесмислени дебати, каде што зборуваа за сè освен за она што е тема, се обидуваа да го пролонгираат изборот на новите министри, посочија од мнозинството.

Европската иднина на државата и нејзините граѓани, доброто владеење, процесот на реформи и исполнувањето на обврските дадени пред граѓаните ќе бидат патоказ за делувањето на владата, сметаат од СДСМ.

Новите министри седнаа во фотелјите, а владата одржа седница, прва со новиот состав. Собраниската седница продолжува со разрешување на замениците-министри од Алтернатива. Пријавени 40 пратеници од опозицијата.

Игор Панов