Тренчевска: Наша заедничка одговорност е да создадеме услови за квалитетно живеење на сите наши граѓани

Министерката за труд и социјална политика, Јованка Тренчевска денеска заедно со Претседателот на Република Северна Македонија, Стево Пендаровски, народниот правобранител, Насер Зибери, претседателот на Комисијата за спречување и дискриминација, Исмаил Камбери, Амбасадорот на Обединетото Кралство во РСМ, Метју Лосон и извршната директорка на ЦУП, Неда Малеска Сачмароска се обратија на конференцијата „Дали Република Северна Македонија е фер земја? – Како институциите заеднички да ја унапредат борбата против дискриминацијата“.

Конференцијата е во организација на Центарот за управување со промени и Комисијата за спречување и заштита од дискриминација со поддршката на Британската амбасада во Скопје. Тренчевска во своето обраќање ја истакна важноста на Националната стратегија за еднаквост и недискриминација 2022-2026 година и Акцискиот план 2022-2024 година. Таа дополни дека воспоставено е и Национално координативно тело за еднаквост и недискриминација. „Работиме и на Закон за спречување и заштита од вознемирување на работно место којшто претставува инструмент за континуирано справување со сите облици на дискриминација по која било основа.

Формирана е независна комисија за спречување од дискриминација како еден од механизмите од овој закон согласно меѓународните стандарди“ рече Тренчевска. Министерката истакна дека Владата на Република Северна Македонија и Министерството за труд и социјална политика ќе продолжи и во иднина да се бори против социјалната исклученост и дискриминација.