Решавање на проблемот со издавање на жолти регистарски таблички, бараат такси - превозниците

Претставниците на 18 такси-превозници во Скопје кои обединуваат 80 насто од таксистите реагираат до надлежните институции да се реши проблемот со издавањето жолти регистарски таблички. Велат дека при промена на старото возило со ново во станиците за технички преглед не им издаваат таблички, зашто немале извод од лиценца.

Според нив, проблемот е што и градските власти не им издаваат нова лиценца доколку не поседуваат нови жолти таблички. Бараат од Министерството за економија да го стави во мирување законот за патен сообраќај, зашто во практика не е применлив.