Нема договори без повисоки цени за тутунот
Сојузот на земјоделските здруженија на Македонија, апелира до тутунарите да не склучуваат договори со откупувачите за новото производство без зголемување на цените од 20 насто. Ако остане по стари цени, неисплатливоста е опасност за иднината на оваа производствена гранка...
Сојузот на земјоделските здруженија апелира тутунарите да не ги потпишуваат договорите со откупувачите по стари цени за новото производство. Се бара зголемување по класи за 20-тина насто, зашто тутунопроизводството во вакви состојби ќе стане неисплатливо и во опасност е иднината на оваа земјоделско-индустриска гранка. Откупувачите побрза со нови договори уште незавршен откупот, оти им треба реколтата.
Од исплатливоста зависи иднината на тутунопроизводството во Македонија од кое досега егзистираат преку 25.000 семејства. Веќе е јасно дека младите многу не се заинтересирани.
Ланската реколта од 21.000 тони по просечна цена од околу 290 денари рекордно се откупи пред крајниот законски рок од 28 февруари. Почна расад опроизводството за новата реколта. Тутунарите ги очекуваат субвенциите кога трошоците се најголеми.
Елизабета Митреска