Четири деца загинаа во пожар во Нови Пазар

Четири деца загинаа од задушување од чад, откако во стан во населбата Јалија во Нови Пазар избувна голем пожар. Според неофицијалните информации, децата се на возраст од 6 месеци до 5 години, a несреќата се случила од невнимание бидејќи родителите се грееле со термо печка и греалка.

Родителите се тешко повредени со изгореници и до четврти степен. Хоспитализираните се борат за живот.

Пожарот бил забележан од двајца случајни минувачи. Еден од очевидците изјави дека пожарот најверојатно започнал во ходникот.