Шефот на станицата во Лариса останува во притвор додека трае судењето

Началникот на железничката станица во Лариса, чијашто одлука доведе до најсмртоносната железничка несреќа во Грција, ќе биде задржан во притвор додека трае судењето. 59-годишниот маж се товари за загрозување на безбедноста во сообраќајот, убиство од небрежност и нанесување телесни повреди.

Грчкиот премиер Киријакос Мицотакис, судирот го нарече невидена, страшна железничка несреќа и вети целосна, независна истрага. Во сударот меѓу патничкиот и товарен воз, загинаа 57 лица, во меѓувреме протестите продолжуваат.