Народниот правобранител ќе го испитува случајот со бебето кое почина од туберкулоза

Народниот правобранител ќе го испитува случајот со бебето што почина на детската клиника, заразено со туберкулоза, донесено во тешка состојба и не се избори со болеста.

Комисија ќе ја истражува грижата за него и делувањето на социјалните служби.

Мајката на бебето е заболена од туберкулоза и е хоспитализирана, додека позитивни на болеста се и таткото и останатите деца, но тие немаат симптоми.

За болеста има вакцина, не се шири лесно, велат епидемиолозите.