Прилепските училишта и градинки ги спроведуваат упатствата за нови дојави на бомби
Прилепските училишта и градинки имаа состанок со МВР и ги спроведуваат упатствата за евентуални нови дојави на бомби. Наставата се одвива непречено. Допрва очекуваат писмен документ за да ги информираат наставниците и родителите...
Непречена е наставата во прилепските основни и средни училишта, се спроведуваат упатствата од МВР. Ќе нема прекин при евентуална дојава, веднаш ќе се прави проверка, еден е главен влез и излез, полицаец во близина редовно ќе биде на должност.
Променети се електронските адреси. Некои училишта чувствуваат поголема безбедност со приватно обезбедување уште од пандемијата. Подготвени се и во градинките.
Упатствата се усни, чекаат написмено за да ги информираат наставниците и родителите.
Во Прилеп се десет основни, пет средни училишта и шест детски градинки. Досега имаше дојави во пет основни училишта.
Елизабета Митреска