Меџити на прва средба со претставници на синдикалните организации
На средбата стана збор за актуелните прашања за регулирање на статусот на здравствените работници, по што дијалогот ќе продолжи со сите надлежни институции...
Министерот за здравство Фатмир Меџити, денеска ја одржа првата средба со претставници на синдикалните организации од областа на здравството, информираат од Министерството.
На средбата стана збор за актуелните прашања за регулирање на статусот на здравствените работници, по што дијалогот ќе продолжи со сите надлежни институции, како што се Фондот за здравствено осигурување, Министерство за финасии и Министерството за труд и социјална политика, во координација со Владата.
Синдикатите се наш партнер и во оваа прилика сакам да се заблагодарам за конструктивната соработка. Намерата и интересите се заеднички. За нивните барања ќе се разгледаат сите законски и финансиски можности за што поскоро нивно решавање, посочи министерот на средбата со синдикатите, соопштуваат од ресорното министерство.