Марјан Стаменковски не се чувствува виновен, адвокатот очекува ослободителна пресуда

Сопственикот на порталот „ДоказМ“ Марјан Стаменковски рече дека не чувствува вина за обвинението што му се става на товар вклучувајќи го и делото уцена. Судењето продолжи со изведување на докази, а одбраната се надева дека ќе добијат ослободителна пресуда.

Судењето се врши зад затворени врати за да се заштитат жртвите и да не се изнесуваат нивни лични информации.

Стаменковски е обвинет за ширење расистички и ксенофобичен материјал по пат на компјутерски систем, уцена, пиратерија на аудиовизуелно дело и за злоупотреба на лични податоци.