Воената полиција го одбележа денот на безбедноста
„Секогаш подготвени“ e мототo што и одговара на армиска единица како што е баталјонот на воената полиција...
Професионализмот и обученоста се на првото место. Со реформите се достигнати стандардите и единицата е подготвена да одговори на сите предизвици.
„Како и досега, поставените задачи да продолжат да ги извршуваат со најголема одговорност и совесност,како во земјата,така и во мировните мисии во кои активно учество земаат припадниците на батаљонот на воена полиција“, рече командантот на единицата, потполковник Роберт Тасевски.
Баталјонот на воената полиција секојдневно ги извршува поставените задачи-обезбедување личности и делегации,контрола на воениот сообраќај,но и откривање и спроведување на сторители на кривични дела во одбраната.
„Вие со својата храброст и посветеност кон работата и извршувањето на задачите,во голема мерка давате значаен придонес кон почитта и довербата која АРМ ја ужива кај граѓаните на Република Македонија”, порача заменик-министерот за одбрана, Емил Димитриев.
Единицата е формирана во 92-та година,и е една од најстарите во АРМ.Нејзини припадници неколку години наназад учествуваат во мировната мисија ИСАФ,но и како дел од тимот за обука на авганистанските безбедносни сили.
Милчо Велески