Победнички против Малта

Македонската тениска Дејвис Куп репрезентација ја победи селекцијата на Малта со 2-0, во првиот натпревар на турнирот од третата евроафриканска зона којшто денеска почна во Будимпешта.

Томислав Јотовски со 6-3 и 6-1 по сетови го совлада Метју Ациак, а нашиот играч со најдобар АТП ранкинг во моментов, Димитар Грабул, со 6-2 и 6-2 по сетови славеше над Касар Тореџани.

Нареден ривал на нашиот национален тим утре ќе биде Албанија. Со победа Македонија сигурно ќе биде прва во својата група, по што в сабота ќе и остане уште плеј-оф натпревар против еден од другите три победници на групите за да се пласира во повисок ранг, во втората евроафриканска зона на Дејвис Купот.