24 години од бомбардирањето на НАТО

Србија одбележува 24 години од бомбардирањето на НАТО на тогашна Сојузна Република Југославија. Во воздушните напади на 24-ти март 1999 година учествуваа 19 западни земји, а акциите од воздух траеја 78 дена и беа изведени без одобрување од Советот за безбедност при Обединетите нации.

Според српското Министерство за одбрана, во НАТО нападите загинале 1.031 припадник на армијата и полицијата и околу 2.500 цивили. Меѓу нив 89 деца. Оштетена беше инфраструктурата во земјата, индустриски капацитети, здравствени установи, воени и медиумски објекти.