МЗШВ: Следат ниски температури, апелираме за навремено преземање мерки за заштита на овошните насади
Министерството за земјоделство, шумарство и водостопанство и Управата за хидрометеоролошки работи ги информираат земјоделците дека во наредните денови 29 и 30 март, земјата ќе биде зафатена од ниски температури под нулата...

Министерството за земјоделство, шумарство и водостопанство и Управата за хидрометеоролошки работи ги информираат земјоделците дека во наредните денови 29 и 30 март, земјата ќе биде зафатена од ниски температури под нулата.
Минималните температури на 29 март ќе изнесуваат-5 степени во Крива Паланка, -4 во Ресен и Битола, -3 во Прилеп и Тетово, – 2 во Скопје, Струмица и Кочани, -1 во Демир Капија и Штип, додека 0 степени ќе биде минималната температура во Кавадарци. За 30 март пак, минималната температура ќе изнесува-4 степени во Крива Паланка, – 3 во Битола, -2 степени во Струмица, Ресен и Тетово, а-1 во Скопје и Прилеп.
Министерството за земјоделство, шумарство и водостопанство, апелира до земјоделците навремено да преземат мерки за заштита на овошните насади од измрзнување, стои во соопштението од МЗШВ.
*Фото: МЗШВ
