Заслужени казни за Работнички и Куманово, но во многу лош момент за нив

Дарко Соколов ќе паузира на три меча, Работнички ќе плати 80.000 денари за тепачката против Куманово во Градски Парк. Гостите се казнети со еден натпревар без Урош Николиќ и со 40.000 денари парична казна.

 

Работнички и Куманово ќе бидат ослабени на последните два дуела од Супер лигата, во ситуација кога се борат за место во плеј офот. Скопската екипа е на третата позиција со по 4 победи и порази, а Куманово на 5-та со 3 победи и 5 порази.

 

До крајот пред елиминациите, Работнички игра на гости кај Лирија и дома со Кожув. Куманово ќе се пресмета со Кожув дома и на гости со Струмица. На табелата води МЗТ со максимални 8 победи, пред Кожув со 5/3. Лирија има 4/4, Струмица има 0/8.