Меморијален центар за еден век од балканските војни

На денот на албанското знаме, во Зајас  отворен меморијалниот центар на албанската мајка, како сеќавање на жртвите на 100 годишнината од балканските војни. Лидерот на ДУИ рече дека меморијалниот центар не е против ниту еден народ. ,,Нашата визија е влез во ЕУ и НАТО за на новите генерации да им оставиме мир и стабилност,, порача Али Ахмети..

Денес Албанците се фактор на стабилност. Тие се свесни  и одговорни, инвестираат во нови алијанси, а тие се европски – рече Али Ахмети, лидерот на ДУИ.

Меморијалниот центар на албанската мајка е изграден со пари од овдешните Албанци и со донации на нивните сонародници од дијаспората. Во прославата за независноста на Албанија, со подигање на албанското знаме на 20 метарски јарбол, се приклучија и македонците-муслимани од струшко Лабуништа. Тие денеска се изјаснија дека се чувствуваат Албанци. Албанија прогласи независност во Валона во 1912-та година.