Универзитетот Конектикат е нов шампион во НЦАА лигата

Универзитетот Конектикат е нов шампион во НЦАА лигата во САД откако во големото финале го победи Сан Диего стејт со 76-59.

Конектикат доминираше низ целиот турнир, а така беше и во завршниот меч кој го доби со двоцифрена разлика и на тој начин му го донесе петтиот трофеј на овој колеџ.

За непогрешливиот Конектикат ова е петта титула во петтото финале, а сите пет им се од 1999 година наваму и прва по 2014 година. Сан Диего стејт во првото полувреме имаше период од 11 минути без даден кош од поле и Конектикат направи двоцифрена разлика.

*Фото : Facebook