Влезот на мечот Македонија -Украина е бесплатен

Ракометната федерација на Македонија донесе одлука влезот на претстојниот бараж натпревар за Светското првенство на женската репрезентација со Украина да биде слободен.

Натпреварот ќе се игра на 8 април во СЦ „Борис Трајковски“ во Скопје. Македонските ракометарки заслужуваат поддршка од трибините и затоа РФМ апелира на што поголема посетеност. Реваншот се игра три дена подоцна во Унгарија, во градот Кишварда.