Ивановски си обезбеди место во четвртфиналето во игра на двојки во Дубровник

Македонскиот најдобар тенисер, Калин Ивановски во мечот во двојки заедно со Лука Микрут триумфираше против Игор Дудун и Пшемислав Михоцки со 2:0 во сетови на турнирот во Дубровник.

Ивановски и Микрут така обезбедија место во четвртфиналето на турнирот. Фуриозно тргнаа во мечот и го добија првиот сет со убедливи 6:2, а потоа украинско-полската двојка пружи поголем отпор во вториот сет.

Сепак, македонскиот тенисер со својот соиграч до крајот успеа да го добие сетот со 6:4 и да слави во мечот. За место во финалето противници на Ивановски и Микрут ќе бидат Кристијан Тумбас Кајго и Марко Баничевиќ.