ММФ: Глобалниот раст под три проценти во 2023 година

Светската економија ќе доживее еден од најслабите периоди на раст во последните неколку децении. Според последниот извештај на Меѓународниот монетарен фонд, растот ќе биде помал од три проценти во 2023 година.

И покрај силата на пазарот на труд и зголемената потрошувачка во повеќето напредни економии, како и закрепнувањето поврзано со повторното отворање на Кина, очекуваме раст од помалку од три проценти за 2023 година, изјави директорката на ММФ Кристалина Георгиева во Вашингтон.

Во претходниот извештај на ММФ за светската економија, на крајот на јануари, веќе беше предвиден раст од 2,9 отсто во 2023 година.