Јагнешкото за Велигден со „солена“ цена
Македонското јагне се извезе на европските пазари за католички Велигден. За сточарите е ниска, за крајните купувачи, цената е висока. Граѓаните пресметуваат за велигденската трпеза – дали ќе замириса само на јагнешко дропче или на печено. Засега цената е преку 500 денари...

Македонското јагне стигна на европскиот пазар за католички, а сега се испорачува за домашната трпеза за православен Велигден. Кланичарите велат – се извезло нешто помалку од лани. Цената од 200 денари жива мера нерентабилна за домашните сточари, а скапо им било и за крајните купувачи.
Според сточарите, македонското јагне е најевтино за извоз. Се жалат на скапото производство на јагнето. Од друга страна засега незапирлив е трендот за намалување на сточниот фонд.
Цената на јагнешкото за граѓаните е солена и незамрзната. Засега е од 500 до 550 денари за килограм.
За Велигден ќе замириса на јагнешко. А, дали само дропче или печено јагнешко-од џебот зависи.
Елизабета Митреска
