СДСМ: Нова катастрофа му се случува на Скопје, Мицкоски ги изневери скопјани
Град Скопје назадува токму поради неспособноста на Арсовска и советничката група на ВМРО-ДПМНЕ. Нема реализација на ниту еден важен проект, градскиот превоз е нефункционален, нема нов еколошки превоз, нема нови автобуси, јавните претпријатија се во хаос, додаваат од партијата.

Шпицниот градоначалник Христијан Мицкоски ги изневери скопјани, со ВМРО-ДПМНЕ на Скопје му се случува нова катастрофа. Данела Арсовска, кандидатката на Мицкоски, за која тој лобираше кај граѓаните и ги повикуваше да гласаат за неа, како за најдобра менаџерка, се покажа како најнеспособен градоначалник на Скопје, велат од СДСМ.
Град Скопје назадува токму поради неспособноста на Арсовска и советничката група на ВМРО-ДПМНЕ. Нема реализација на ниту еден важен проект, градскиот превоз е нефункционален, нема нов еколошки превоз, нема нови автобуси, јавните претпријатија се во хаос, додаваат од партијата.
Наместо да работат на решавање на проблемите, ВМРО-ДПМНЕ и Арсовска се занимаваат со идејата за враќање на споменикот на Ќосето. Со Арсовска и ВМРО-ДПМНЕ, градот тоне во безидејност и бесперспективност, нема продолжување на наследените проекти, но затоа има кавги за рацете во медот, за провизии и бизнис влијанија, стои во соопштението.
