Здравство

Во тек инспекцискиот надзор на ДСЗИ во битолската болница

11.04.2023 12:50

Комисијата е излезена на терен и во тек е надзорот за утврдување на текот на лекувањето на починатото новороденче...

Државниот санитарен и здравствен инспекторат врши вонреден инспекциски надзор во врска со случајот со починатото новороденче во Клиничка болница Битола, информираат од Министерството за здравство. Комисијата е излезена на терен и во тек е надзорот за утврдување на текот на лекувањето на починатото новороденче.

Истовремено е формирана и комисија за стручен надзор, составена од двајца специјалисти гинеколози, неонатолог, анестезиолог, како и претставник од Министерството за здравство.

Директорот на Клиничка болница Битола, д-р Александар Обедниковски, утрово до Министерството поднесе неотповиклива оставка од морални причини, стои во соопштението.