Филхармонија: Две национални установи не можат да функционираат под еден кров
Не станува збор за суета, туку за можностите за заемно функционирање, според нив, сместувањето во иста зграда со оркестарот за џез-музика, ќе се одрази на успешноста и на едните и на другите. 108 вработени од оваа институција потпишаа петиција против одлуката....
Две национални установи не можат да функционираат под еден кров. Филхармонија останува на ставот и се закани со протест, ако Владата не ја промени одлуката за привремено сместување на новоформираниот оркестар за џез-музика во зградата на Филхармонија.
Не станува збор за суета, туку за можностите за заемно функционирање, според нив, сместувањето во иста зграда со оркестарот за џез-музика, ќе се одрази на успешноста и на едните и на другите. 108 вработени од оваа институција потпишаа петиција против одлуката.
Ја обвинија министерката за култура дека е директно одговорна за настанатиот хаос и не го испочитувала ветувањето дека на првата следна владина седница ќе се поништи одлуката. Според претседателот на Здружението на џез-музичари, Стевковски, привременото сместување во објектот на Филхармонија и заедничко функционирање е можно, додека не се најде соодветен простор за трајно решение.
Стевковски потенцира дека ова е времено решение, а во меѓувреме се надева оти Владата бара трајно решение за тоа која ќе биде нивната трајна куќа.
Александра Спировска