Тешеира со месеци онлајн споделувал доверливи документи

Младиот припадник на националната воздухопловна гарда Џек Тешеира ќе се појави во судот во Бостон во врска со протекувањето доверливи воени и разузнавачки документи.

Тој вчера беше уапсен од ФБИ во својот дом во Масачусетс. Обвинет е за неовластено ширење доверливи информации, кои содржат разни проценки и податоци за војната во Украина, но и разузнавачки информации за други држави, вклучувајќи и сојузници на САД.