Струмица на тест во „Градски парк“

Богатиот викенд со мноштво настани на спортските борилишта во земјава и овој петок го отвораат кошаркарите. Во салата „Градски Парк“ во Скопје и пред камерите на МТВ, екипите на Работнички и на Струмица ќе означат почеток на деветтото коло од првата фаза во домашниот шампионат.

Работнички е засега неприкосновен на свој паркет и како една од трите челни екипи со по само еден пораз досега, важи за фаворит во пресметката со струмичани, кои се на средина на табелата со ефект од четири победи и еден неуспех.

Утре ќе бидат одиграни преостанатите дуели од оваа викенд - рунда, во која дерби ќе биде мечот меѓу нашите претставници во БИБЛ, Куманово и Кожув. Лирија ќе му гостува на Фени Индустри, а Пелистер ќе го пречека тимот на Карпош Соколи.

***

Прва лига кошарка (мажи), 9.коло

Работнички – Струмица                  петок, 17.30  часот (МРТ-1)

Фени Индустри – Лирија                 сабота, 18.00 часот

Куманово – Кожув                           сабота, 19.00 часот

Пелистер – Карпош Соколи                        сабота, 20.00 часот

***

Табела

1. Лирија                    13

2. Кожув                     13

3. Работнички            13

4. Куманово               12

5. Струмица               11

6. Вардар Апаве        10

7. Фени Индустри     9

8. Карпош Соколи    8

9. Пелистер Спорт    7

Драган Николовски