Ибрахимовиќ можеби нема да игра за Милан до крајот на сезоната

Златан Ибрахимовиќ може да отсуствува до крајот на сезоната. Напаѓачот на Милан се чувствувал непријатно за време на загревањето пред евентуална замена на натпреварот од Серија А одигран во неделата против Лече (2:0). Набргу потоа, Ибрахимовиќ замина во соблекувалната, куцајќи, поддржан од клупскиот масер.

Според италијанските медиуми, постои можност Златан да не игра за Милан до крајот на сезоната поради повреда на потколеницата.

Оваа сезона Ибрахимовиќ одигра само четири натпревари во Серија А за Милан и постигна еден гол.