„Антолог“ ја објави наградената книга „Другарче“ од Питер Колвајк

„Антолог“ ја објави книгата „Другарче“ од Питер Колвајк, наградена за најдобра книга за деца во Холандија за 2021 година.

Книгата на македонски јазик е објавена со поддршка на програмата Циркулација на европски книжевни дела во склоп на Креативна Европа на Европската унија.

Станува збор за приказна која што уште на почетокот воодушевува со авантурите на Тичен и неговото пријателче. Одат во лов на тролови, се обидуваат да победат чудовишта, да изгаснат пожари и секогаш се наоѓаат во невоља. Другарче постои само во фантазијата на Тичен. Оваа книга е животна лекција за млади и за возрасни.