Во Судан договорен пристап за хуманитарна помош, нема примирје

Завојуваните страни во Судан потпишаа договор, со кој се дозволува пристап до хуманитарна помош. Продолжуваат преговорите за привремено примирје.

Претставници на војската и на паравоената група, кои се во конфликт речиси еден месец, потпишаа изјава во Џеда, Саудиска Арабија, со која се обврзуваат да ги заштитат цивилите.

По шестдневни преговори, претставници на генералите Бурхан и Хемети, ветија и дека ќе дозволат обновување на електричната енергија, водата и другите основни услуги.