Повеќе странски државници со честитки до Иванов

Пред заминувањето за Брисел честитки за новиот мандат на Иванов од претседателот на европската комисија Жосе Мануел Барасо.

„Како земја – кандидат постигнавте многу на планот на интеграцијата во Европската унија. Преостануваат важни предизвици и потребно е спроведување на натамошни реформи. Од суштинско значење е градење на довербата меѓу граѓаните во демократските процеси“, стои во честитката на Баросо до Иванов.

Честитки за реизборот и желби за успешен мандат и од претседателот на Руската федерација, Владимир Путин.

„Резултатите од гласањето потврдуваат Ваш голем политички авторитет и доверба на граѓаните. Вие давате значаен придонес за зацврстување на пријателските односи и за заемно корисната соработка меѓу Русија и Македонија“, стои во писмото упатено од претседателот Путин.

Цврсто сум убеден дека патот кон правната држава и балансираниот однос кон соседните земји е единствениот правилен пат кој на вашата земја и овозможува добра иднина во кругот  на европските народи. Германија и  натаму ќе ве подржува на тој пат, пишува  во честитката  од  германскиот колега Гаук.

Турскиот колега Ѓул во честитката вели:

„Поради Вашиот удел прикажан во односите со Турција за време на Вашиот прв мандат како Претседател, нашата соработка чија што сила доаѓа од историската, човечката и културната врска има достигнато голем напредок“, стои во писмото од претседателот Абдула Ѓул, кој воедно изразил и очекување за натамошно продлабочување на меѓусебните односи.

Честитки за новиот мандат и од претседателите на Полска, Чешка, Словачка, Литванија, Унгарија... До претседателскиот кабинет честитки и верба дека и во иднина ќе се  продлабочуваат пријателските релации од претседателите на Србија, Хрватска, Словенија, Црна Гора и Босна и Херцеговина.

Виолета Димовска