Денвер со победа ја започна серијата со Лејкерси во конференциското финале

Денвер Нагетс ноќеска ги совлада Лос Анџелес Лејкерс во првиот натпревар од финалето на Западната конференција на НБА со 132:126.

Најдобар играч во победничката екипа беше Никола Јокиќ кој стигна до трипл-дабл, 34 поени, 21 скок и 14 асистенции.

Во поразениот тим се истакна Ентони Дејвис со 40 поени и 10 скока.

Вториот натпревар во серијата ќе се одигра на 19 мај исто така на теренот на Денвер.