Договорена заедничка изградба на железница меѓу Москва и Техеран

Москва и Техеран заеднички ќе го финансираат проектирањето и изградбата на железничката делница Рашт – Астара, долга околу 170 километри, дизајнирана да ги поврзе копнените делови на меѓународниот транспортен коридор север – југ, што ќе ја зголеми економската ефикасност на транскасписката рута.

Најважно за двете земји е зајакнувањето на трговските, економските и на другите билатерални врски, кои, според рускиот претседател, се градат врз принципите на добрососедство, почитување и вреднување на заедничките интереси.