Нова престрелка во Белград, две лица се ранети

Две лица се ранети во престрелката што се случи вечерва во белградската населба Врачар во центарот на Белград. Престрелката се случила на аголот од улиците „Максим Горки“ и „Цар Николај“. Како што дознава „Телеграф“, еден од ранетите е 29-годишниот А.П. кој веќе и е познат на полицијата поради бројни криминални дела.

Станува збор за лице со 12 кривични пријави за дрога, оружје, разбојништво итн. по кое во тек била и потера за издржување затворска казна. Тој бил застрелан во ногата и е надвор од животна опасност. Во пукањето е повреден и македонскиот државјанин, 21-годишниот Д.Л., тој бил застрелан во грбот. Засега не се знае дали бил во друштво на А.П, или пак случајно бил ранет. 

Полицијата интензивно трага по сторителот, а во сила е антимафијашката акција „Вихор“, јавуваат српските медиуми.