Ердоган ја претстави новата влада

По инаугурацијата, турскиот претседател Ердоган го објави составот на новата влада. Новиот кабинет брои 17 министри.

Единствено позицијата на министерот за култура и туризам и министерот за здравство остана иста. Министерствата за одбрана, надворешни работи и економија претрпеа темелни промени.

Хакан Фидан, шеф на турската разузнавачка служба ја презема функцијата министер за надворешни работи, наместо Мевлут Чавушоглу.

Мехмет Шимшек е министер за финансии, Министерството за правда му е доверено на Јилмаз Тунч. Џевдет Јилмаз е назначен на позицијата потпретседател на Турција.