СДСМ за утре свика состанок на Централен и Извршен одбор по лидерската средба со Мицкоски
Портпаролката на СДСМ, Богданка Кузеска потврди дека утре претседателот на СДСМ, Димитар Ковачевски свикал седница на Централниот и Извршниот одбор на партијата.

Портпаролката на СДСМ, Богданка Кузеска потврди дека утре претседателот на СДСМ, Димитар Ковачевски свикал седница на Централниот и Извршниот одбор на партијата.
По вчерашната средба имаме нови околности на политичката сцена и токму тие нови околности се повод за свикување на Извршниот и на Централниот одбор а секако дека тема ќе бидат начинот и формата со која што понатаму ќе продолжат преговорите со ВМРО-ДПМНЕ, изјави Кузеска денеска на прес-конференција.
Претходно, Кузеска повтори дека Мицкоски и ВМРО-ДПМНЕ де факто го промениле ставот, како што рече таа, „прифатија уставни измени и учество во Влада за европска иднина на паритетна основа, со ист број на министри“.
Додаде дека сега врз основа на новите околности на политичката сцена потребно е дијалогот да продолжи.
