Блаже Миневски добитник на „Рациновото признание“ за романот „Ако се родат некакви чувства“
„Рациновото признание“ за роман на годината го доби Блаже Миневски за „Ако се родат некакви чувства“ авторско видување за љубовта на Гоце Делчев и Јанка Каневче. Во конкуренција за оваа престижна награда беа 14 дела...
Блаже Миневски е добитник на наградата „Рациново признание“, која ја доби за книгата „Ако се родат некакви чувства“. Наградата му беше врачена на “60 јубилејни Рацинови средби“. Делото е условно речено историски роман, за љубовта на Гоце Делчев и Јанка Каневче но со авторско интервенирање во историските факти.
Во конкуренција за наградата биле 14 романи. За признанието одлучуваше жирито во состав Јасминка Делова-Силјанова претседател, Снежана Петрова-Џамбазова и Маја Апостолоска. За нив Миневски во „Ако се родат некакви чувства“ понудил интересна, несекојдневна и нестереотипна приказна и раскажувачка постапка, која ќе го привлече вниманието на читателската публика. Беседата за Рацин годинава емотивно ја донесе професор д-р Васил Тоциновски.
„Рациновите средби“ годинава се одржуваат по 60-ти пат, продолжуваат наредните денови.