Движењето „Европа сега“ доби најмногу гласови на предвремените парламентарни избори во Црна Гора

Најмногу гласови на предвремените парламентарни избори во Црна Гора доби Движењето „Европа сега“, потоа алијансата „Заедно“, на трето место е коалицијата „За иднината на Црна Гора“, покажуваат првичните резултати на Мониторинг центарот. На изборите учествуваа 15 партии и коалиции.

 

Гласачките места беа затворени во 20 часот. Изборите во Црна Гора се одржуваат во време на политичка и институционална криза, десет месеци по падот на Владата.

Од последните парламентарни избори во август 2020 година, две влади беа сменети, а парламентарното мнозинство не успеа да се договори за формирање трета.