Иванов му понуди помош на Николиќ за справување со последиците од поплавите

Претседателот на Репубика Македонија Ѓорге Иванов вчеравечер телефонски разговарал со српскиот претседател Томислав Николиќ, при што изрази жалење за изгубените животи и настраданите во невремето и поплавите кои ја зафатија Србија.

Како што соопшти неговиот кабинет, Иванов на Николиќ му порачал дека Република Македонија е подготвена да понуди помош и да ги стави на располагање своите расположливи ресурси со цел справување со последиците од невремето.

Двајцата соговорници се согласиле дека е неопходно засилување на регионалната соработка и координирана акција во справувањето со природните несреќи и катастрофи, кои се во се поголем пораст, а со цел нивна превенција и ублажување на последиците, се вели во соопштението од кабинетот на македонскиот претседател.