Чин во телефонски разговор со Блинкен: Кинеско-американските односи се соочуваат со тешкотии

Кинескиот министер за надворешни работи, Чин Ганг, во телефонски разговор со американскиот државен секретар Ентони Блинкен, рече дека односите меѓу двете земји се соочуваат со тешкотии и предизвици. Пекинг додаде дека Кина отсекогаш ги водела односите врз основа на меѓусебно почитување, соживот и соработка.

„Разговаравме за одржување на отворени канали за комуникација, како и за билатерални и глобални прашања“, објави Блинкен на Твитер.

Повикот доаѓа пред очекуваната посета на Блинкен на Кина в недела.