Северна Кореја смета дека најголем пропуст за земјата е неуспешното лансирање сателит

Највисоките севернокорејски функционери ветија дека ќе извршат притисок за втор обид за лансирање шпионски сателит. Првото, неуспешно лансирање минатиот месец го нарекоа „најсериозниот“ недостаток оваа година и остро ги критикуваа одговорните, објавија државните медиуми.

За време на партискиот состанок, заклучено е дека прават „големи чекори“ во напорите за проширување на севернокорејскиот арсенал на нуклеарно оружје и ракети и ја поддржуваат политиката на владата за одржување „фронтална конфронтација“ против непријателите.